ბოლო 40 წლის განმავლობაში ველური სამყაროს პოპულაცია 58%-ით შემცირდა
1970 წლის შემდეგ, მსოფლიოს ველური სამყაროს პოპულაცია 58%-ით შემცირდა. ლონდონის ზოოლოგიის ასოციაციისა და ბუნების მსოფლიო ფონდის მიერ, ცოცხალი პლანეტის შესახებ გამოქვეყნებულ ანგარიშში ნათქვანია, რომ თუკი, კლების ტენდენცია გაგრძელდება, 2020 წლისთვის, შესაძლოა, ხერხემლიან ცხოველთა 2/3 გაქრეს.
კვლევა გვიჩვენებს, რომ ტბებში, მდინარეებსა და ჭაობებში მცხოვრები ცხოველები განიცდიან ყველაზე დიდ დანაკარგს. გარეული ცხოველთა რაოდენობის კლებაზე, ყველაზე მეტად ადამიანების მიერ ჩადენილი ქმედებები ახდენს გავლენას. ამას ემატება გარემოს დაბინძურება და კლიმატის ცვლილებები.
ცოცხალი პლანეტის შესახებ ანგარიში, ორ წელიწადში ერთხელ ქვეყნდება და დედამიწაზე არსებული ველური ბუნების მდგომარეობის შეფასებას ისახავს მიზნად.