ეფექტურია თუ არა სტომატოლოგიური ძაფი | Allnews.Ge

ეფექტურია თუ არა სტომატოლოგიური ძაფი

ათეულობით წლის განმავლობაში მთელი მსოფლიოს სტომატოლოგები ერთხმად იძლეოდნენ რეკომენდაციას, რომ კბილების გასაწმენდად სპეციალური ძაფები, იგივე ფლოსი გამოგვეყენებინა.

დენტალური ძაფი პირის ღრუს ჰიგიენის განუყოფელ ნაწილად ითვლებოდა. მაგრამ ნამდვილად არის თუ არა სასარგებლო კბილების საწმენდი ძაფები?

როგორც Associated Press-ის მიერ ჩატარებული კვლევიდან გამოჩნდა, დენტალური ძაფის სასარგებლო თვისებების თაობაზე მყარი მტკიცებულებები არ არსებობს.

აშშ-ს ჯანდაცვის სამინისტროს სპეციალურ განცხადებაში აღნიშნულია, რომ ფლოსის თვისებების ეფექტურობა ძირეულად არასდროს შემოწმებულა, ხოლო ბირმინგჰემის უნივერსიტეტის პროფესორმა და სტომატოლოგმა დემიან უოლმსლიმ აღნიშნა, რომ სტომატოლოგიურ ძაფს მხოლოდ მცირე სარგებელი მოაქვს.

მიუხედავად ამისა, ამერიკელ სტომატოლოგთა ასოციაცია აქტიურად იცავს ფლოსს და ამტკიცებს, რომ კბილების ძაფით წმენდა "კბილებისა და ღრძილების მოვლის განუყოფელი ნაწილია".

 

მომზადებულია bbc.com-ის მიხედვით.

myquiz