ლონდონის ცენტრში პირველი ნუდისტური რესტორანი გაიხსნა
ლონდონის ცენტრში პირველი ნუდისტური რესტორანი გაიხსნა.
რესტორანი Bunyadi მხოლოდ ზაფხულის სეზონში იმუშავებს და გაყოფილი იქნება ორ სექციად. ერთ-ერთში მხოლოდ ნუდისტები შეძლებენ დასვენებას, სადაც მათ მინიმალურ ტანსაცმელში გამოწყობილი პერსონალი მოემსახურება.
ნუდისტური რესტორნის გახსნის იდეამ დიდ ბრიტანეთში უზარმაზარი პოპულარობა მოიპოვა. გახსნის შესახებ ინფორმაციის გავრცელებისთანავე, Bunyadi-ის ოფიციალურ ვებგვერდზე ბილეთები 45 000-ზე მეტმა ადამიანმა შეიძინა. ბილეთის ფასი 55-65 ევროს შეადგენს.
"იდეა იმაშია, რომ თქვენ სრული გათავისუფლება იგრძნოთ", - ამბობს რესტორნის მფლობელი სებ ლაიალი.
ახლად გახსნილი რესტორნის მთავარი ელემენტი ბამბუკია, ხოლო ელექტოენერგიის ნაცვლად, დაწესებულებას სანთლებით ანათებენ.
Bunyadi-ის ვიზიტორები ტანსაცმელს სპეციალურ კარადებში ტოვებენ. გასაგები მიზეზების გამო, რესტორანში ფოტოსურათების გადაღება სასტიკად აკრძალულია.