რატომ აკრძალეს სინგაპურში საღეჭი რეზინის გაყიდვა
სინგაპური არის ქვეყანა, სადაც საღეჭი რეზინის იმპორტი, ყიდვა და გაყიდვა მკაცრად არის რეგულირებული. 2004 წლის შემდეგ, ამ ქვეყანაში მხოლოდ სამკურნალო საღეჭი რეზინი დაიშვება. სამკურნალო საღეჭი რეზინის ყიდვა კი მხოლოდ ექიმისგანაა შესაძლებელი, რომელიც აუცილებლად უნდა იყოს წინასწარ რეცეპტით გამოწერილი.
ამასთან კანონის მიხედვით, დაღეჭილი საღეჭი რეზინის ქუჩაში გადაგდება 700 დოლარით ჯარიმდება.
რატომ გახდა საჭირო საღეჭი რეზინის გაყიდვის აკრძალვა?
საღეჭი რეზინის აკრძალვა დღის წესრიგში მას შემდეგ დადგა, რაც მან არაერთი პრობლემა შეუქმნა საზოგადოებას. კერძოდ, ვანდალები დაღეჭილ რეზინს საფოსტო ყუთებში, გასაღების ჭუჭრუტანებში და ლიფტის ღილაკებში ამაგრებდნენ. ასევე დაღეჭილ საღეჭ რეზინს ავტობუსის სკამებზე, ქუჩებში და საზოგადოებრივი თავშეყრის ადგილებშიც ყრიდნენ, რის გამოც დასუფთავებისთვის და დაზიანებული ინფრასტრუქტურის აღდგენისთვის საჭირო გახდა დამატებით ხარჯები.
1983 წელს, სინგაპურის მაშინდელი პრემიერ-მინისტრი გეგმავდა ამ აკრძალვის დაწესებას, თუმცა, მოგვიანებით გადაიფიქრა. საბოლოოდ კი შესაბამისი რეგულაცია 1992 წლის იანვარში დააწესეს.