მოსკოვში აქციაზე 900-მდე ადამიანი დააკავეს | Allnews.Ge

მოსკოვში აქციაზე 900-მდე ადამიანი დააკავეს

მოსკოვში გამართულ ანტიკორუფციულ მიტინგზე 900-მდე ადამიანი დააკავეს. ამის შესახებ ინფორმაციას რუსული მედია ავრცელებს.

აქციის მონაწილეების წინააღმდეგ პოლიციამ ხელკეტები და ცრემლსადენი გაზი გამოიყენა. არასანქცირებულ დემონსტრაციაზე რუსული ოპოზიციის ლიდერი და აქციის ორგანიზატორი ალექსეი ნავალნიც დააკავეს, რომლის სასამართლო პროცესი დღეს გაიმართება.

ასევე ვრცელდება ცნობა, რომ დაკავებულებთან ადვოკატებს არ უშვებენ. აქციაზე პოლიციელებიც დაშავდნენ. 33 წლის პოლიციელს, რომელიც სამსახურებრივ მოვალეობას ასრულებდა, თავის არეში რამდენჯერმე ჩაარტყეს დაუდგენელი საგანი. პოლიციელი საავადმყოფოში გადაიყვანეს.

კორუფციის წინააღმდეგ მიმართული აქცია რუსეთის მასშტაბით გაიმართა. რამდენიმე კვირის წინ ალექსეი ნავალნის ორგანიზაციამ რუსეთის პრემიერ-მინისტრ დიმიტრი მედვედევის კორუფციული გზით ქონების დაგროვების შესახებ კვლევის შედეგები გამოაქვეყნა.

myquiz