ჰილარი კლინტონის გამარჯვების შემთხვევაში სახელმწიფო მდივნის პოსტს სავარაუდოდ, ჯო ბაიდენი დაიკავებს
საპრეზიდენტო არჩევნებში გამარჯვების შემთხვევაში ჰილარი კლინტონი აშშ-ის სახელმწიფო მდივნის პოსტს სავარაუდოდ, ჯო ბაიდენს შესთავაზებს.
ამის შესახებ გამოცემა Politico საკუთარ წყაროებზე დაყრდნობით წერს. გამოცემა აღნიშნავს, რომ ჯო ბაიდენი, რომელიც ამჟამად აშშ-ის ვიცე პრეზიდენტის პოსტს იკავებს, მსოფლიოში ერთ-ერთი ყველაზე დიდი გამოცდილების მქონე პოლიტიკოსია აშშ-ის დემოკრატიული პარტიიდან.
სხვა შესაძლო კანდიდატებს შორის წყარო Politico-სთან საუბარში ასახელებს ევროპაში ნატო-ს გაერთიანებული შეიარაღებული ძალების ყოფილ მთავარსარდალს ჯეიმს სტავრიდისს.
როგორც Politico აღნიშნავს, გამოცემის არაერთი მიმართვის მიუხედავად, კლინტონის შტაბში აღნიშნულ ინფორმაციაზე კომენტარი არ გააკეთეს.