ევაკუაცია ფრანკფურტის აეროპორტში
გერმანიის ქალაქ ფრანკფურტის აეროპორტიდან ადამიანების ევაკუაცია განხორციელდა. ამის შესახებ გერმანული გამოცემა "ბილდი" წერს.
გავრცელებული ცნობით, ბომბის არსებობის საფრთხის გამო ევაკუირებულია პირველი ტერმინალი. წინასწარი ინფორმაციით, ერთ-ერთ მგზავრს, რომელიც უსაფრთხოების შემოწმებას გადიოდა, სავარაუდოდ, ასაფეთქებელი მოწყობილობა აღმოაჩნდა.
ევაკუაციის შესახებ ინფორმაციას ავრცელებენ თავად მგზავრებიც სოციალურ ქსელში. სხვა დეტალები ჯერჯერობით უცნობია.