ლოს-ანჯელესის აეროპორტში სროლის ფაქტი არ დადასტურდა
ლოს-ანჯელესის აეროპორტში სროლის ფაქტი არ დადასტურდა. პოლიციის განმარტებით, პანიკა ხმაურმა გამოიწვია. სამართალდამცველები ხმაურის გამომწვევ მიზეზებს იძიებენ. აეროპორტში ფრენები უკვე აღდგა, რეისები დადგენილი გრაფიკით ხორციელდება.
ლოს-ანჯელესის აეროპორტის "ტვიტერის" გვერდზე გამოქვეყნდა ინფორმაცია, რომ პოლიციამ "ზოროს" კოსტიუმში გამოწყობილი ადამიანი დააკავა.
სამართალდამცველებმა ლოს-ანჯელესის აეროპორტში სროლის შესახებ მიიღეს შეტყობინება, ადგილზე პოლიციის რამდენიმე ეკიპაჟი დაუყოვნებლივ მივიდა. აეროპორტიდან მგზავრების ევაკუაციაც მოხდა.