გერმანიაში წყალდიდობის შედეგად სამი ადამიანი დაიღუპა
გერმანიის სამხრეთ-დასავლეთ ნაწილში ძლიერი წყალდიდობის შედეგად სამი ადამიანი დაიღუპა.
ამის შესახებ ადგილობრივი მედია წერს. გავრცელებული ცნობით, დაღუპულებს შორის ერთი მეხანძრეა, რომელიც მამაკაცის გადარჩენას ცდილობდა.
რეგიონში წყალდიდობა რამდენიმედღიანმა გადაუღებელმა წვიმამ გამოიწვია.
სტიქიამ დააზიანა საცხოვრებელი სახლები და ელექტროგადამცემი ხაზები.