გერმანიაში ჩასული ლტოლვილებისთვის შესაძლოა, გერმანული ენის სწავლა სავალდებულო გახდეს | Allnews.Ge

გერმანიაში ჩასული ლტოლვილებისთვის შესაძლოა, გერმანული ენის სწავლა სავალდებულო გახდეს

გერმანია ლტოლვილებს გერმანული ენის სწავლას დაავალდებულებს. ამის შესახებ გერმანული მედია იტყობინება.

გავრცელებული ცნობით, ქვეყნის შინაგან საქმეთა მინისტრი, ტომას დე მეზიერი ამზადებს ახალ საკანონმდებლო ინციატივას, რომლის მიხედვითაც, ლტოლვილებს საზოგადოებაში ინტეგრირებას მოსთხოვენ, რისთვისაც აუცილებელი იქნება ენის შესწავლა. წინააღმდეგ შემთხვევაში, ისინი გერმანიაში მუდმივი ცხოვრების ნებართვას ვერ მიიღებენ.

"მათ, ვინც გერმანული ენის შესწავლაზე უარს იტყვიან, მათ, ვინც თავიანთ ნათესავებს - მაგალითად ქალებს ან გოგონებს ინტეგრაციის შესაძლებლობას არ მისცემენ, მათ, ვინც სამუშაო შეთავაზებაზე უარს იტყვიან, სამი წლის შემდეგ აღარ ექნებათ გერმანიაში დასახლების მუდმივი ნებართვა", - აღნიშნა მეზიერმა.

აღსანიშნავია, რომ გერმანია ევროპაში ჩასული აფრიკელი და აზიელი მიგრანტებისთვის საბოლოო დანიშნულების მთავარი ქვეყანაა. ამ ქვეყანას გასულ წელს დაახლოებით ერთი მილიონი მიგანტი ეწვია. მხოლოდ წელს კი მათი რიცხვი უკვე 100 000-ს აღწევს.

myquiz