ჩინეთში ყველაზე გრძელი და მაღალი შუშის ხიდი გახსნეს
ჩინეთის პროვინცია ჰუნანში გაიხსნა მსოფლიოში ყველაზე გრძელი და მაღალი შუშის ხიდი.
საფეხმავლო ხიდი, რომლის სიგრძე 430 მეტრს აღწევს, 300 მეტრის სიმაღლეზეა განლაგებული და ჩჟანცზიაცზეს ეროვნულ პარკში ერთმანეთთან ორ კლდეს აკავშირებს.
ხიდის სიგანე 6 მეტრს შეადგენს. მისი მშენებლობა 3,4 მილიონი აშშ დოლარი დაჯდა. ხიდის ნახევარი სამშრიანი შუშისაგან დამზადებული 99 გამჭირვალე ფილისგან შედგება.
ხიდის არქიტექტორი ებრაელი ჰაიმ დოტანია.
ჩინეთში შუშის ხიდები ძალიან პოპულარულია. ამ პოპულარობის მთავარი მიზეზი საინტერესო პანორამული ფოტოსურათების გადაღების შესაძლებლობაა. შუშის ხიდებზე ხშირად იმართება ვარჯიშები იოგაში, ახალდაქორწინებული წყვილები კი მათ საქორწილო ფოტოსესიებისთვის სტუმრობენ.
ჩჟანცზიაცზეს პარკის ხელმძღვანელობა აცხადებს, რომ დღეში 8000 ადამიანზე მეტი ხიდზე არ დაიშვება.
