მურადის უნიკალური მღვიმე რაჭაში | Allnews.Ge

მურადის უნიკალური მღვიმე რაჭაში

რამდენიმე წლის წინ, ნაქერალას უღელტეხილზე მთამსვლელთა და მოგზაურთა ჯგუფ "თეთნულდის" წევრებმა უნიკალურ ნაღვენთ ფორმებს მიაკვლია.

მურადის მღვიმეში არსებული მსოფლიოში უიშვიათესი ნაღვენთი ფორმები - სტალაქტიტები მსოფლიო მეცნიერთა სერიოზული შესწავლის საგანი შეიძლება გახდეს.

აღნიშნული ფორმის სტალაქტიტების წარმოქმნის მექანიზმის დადგენა, მათი შემადგენლობის, მათზე წყლის, ჰაერის მასების, მიკროორგანიზმების ზემოქმედების სამეცნიერო კვლევა მსოფლიო დონის სპელეოლოგთა დიდი ინტერესის საგანს წარმოადგენს.

თსუ-ს დოქტორანტის, საქართველოს სპელეოლოგიური საზოგადოების წევრის ლაშა ასანიძის განცხადებით, აუცილებელია ამ მღვიმის დაცვა, რათა არ განადგურდეს მღვიმეში არსებული და სრულიად შეუსწავლელი ნაღვენთი ფორმები.

ასევე, დასარეგულირებელია მიმდებარე ტერიტორიაზე ტყის მასივის შენარჩუნების საკითხი, რადგან მღვიმესთან ახლოს მრავალწლოვანი ხეები იჩეხება.

თსუ-ს სპელეოლოგთა განცხადებით, უიშვიათესი ფორმის სტალაქტიტები ამ მღვიმისთვის ბუნების ძეგლის სტატუსის მინიჭების საფუძველი გახდება.

გთავაზობთ ფოტოგრაფ აჩი გეგენავას მიერ გადაღებულ ფოტოებს.

იხილეთ სტატიის ინგლისურენოვანი ვერსია: Georgia’s unique Muradi Cave featured on Bored Panda

 

myquiz