ხვალ ოქროს გლობუსის დაჯილდოვების 74-ე ცერემონია გაიმართება
ლოს ანჯელესი ოქროს გლობუსის დაჯილდოვებისთვის ემზადება. ამერიკული კინოპრემიის 74-ე ცერემონია ხვალ გაიმართება. დაჯილდოვების ცერემონიაზე უსაფრთხოების უზრუნველსაყოფად ქუჩებში სამართალდამცველების უპრეცედენტო რაოდენობა იქნება მობილიზებული.
არსებული ინფორმაციით, ღონისძიებას გამოძიების ფედერალური ბიუროსა და ბევერლი ჰილსის პოლიციის დეპარტამენტი, ორგანიზატორების მოთხოვნის თანახმად, ერთდროულად დაიცავენ.
"თამამად შეიძლება ითქვას, რომ ეს მაღალი რანგის შეხვედრაა, ამიტომ არის მიღებული უსაფრთხოების უპრეცედენტო ზომები"- განმარტა ბევერლი ჰილსის პოლიციის ოფიცერმა ლინკოლნ ჰოშინომ.
ღონისძიება ბევერლი ჰილტონში გაიმართება და მასზე დასასწრებად ჰოლივუდის ვარსკვლავები თითქმის სრული შემადგენლობით შეიკრიბებიან.
ამერიკული კინოპრემიის დაჯილდოვების ცერემონია, რომელსაც ჰოლივუდის უცხოური პრესის ასოციაცია კინოფილმებისა და ტელესერიალებისთვის აწესებს, 1944 წლიდან ყოველწლიურად იმართება.