ირაკლი ღარიბაშვილი: სალომე ზურაბიშვილის მკრეხელური განცხადება არის შეტევა პატრიარქზე და ეკლესიაზე - ნიღაბი, რაც მას ჰქონდა, ჩამოხსნილია
როგორ შეიძლება ჩვენ ძვირფას ადამიანზე, პატრიარქზე მკრეხელურ განცხადების გაკეთება, - ასე შეაფასა პარტია „ქართული ოცნების“ თავმჯდომარემ, ირაკლი ღარიბაშვილმა სალომე ზურაბიშვილის განცხადება.
„როგორ შეიძლება, ჩვენს ძვირფას ადამიანზე, პატრიარქზე რომ ასეთ მკრეხელურ განცხადებას გააკეთებს ადამიანი და მით უმეტეს ვინ, პრეზიდენტი, აქ საქმე გვაქვს დიდ ანტიქართულ მოვლენასთან, ეს არის შეტევა პატრიარქზე ეკლესიაზე, ეს თავად სალომე ზურაბიშვილის სახეს წარმოადგენს. ნიღაბი, რაც მას ჰქონდა მთელი ამ პერიოდში, ის არის ჩამოხსნილი“, - აღნიშნა ღარიბაშვილმა.
ირაკლი ღარიბაშვილს კითხვა დაუსვეს საქართველოს პრეზიდენტის, სალომე ზურაბიშვილის ლონდონში, Chatham House-ის მიერ ორგანიზებულ ღონისძიებაზე გაკეთებულ განცხადებაზე, სადაც საქართველოს ეკლესიის როლის შესახებ დასმულ კითხვაზე საპასუხოდ აღნიშნა: „ეკლესიასთან დაკავშირებით კომპლექსური ვითარებაა, ერთ-ერთი მიზეზია პატრიარქის სისუსტე. ვიმედოვნებ, ეკლესია შეძლებს, აირჩიოს პროქართველი, პროევროპელი და არა პრორუსი პატრიარქი“.