აქციის მონაწილეებმა პარლამენტს "ცოცხალი ჯაჭვი" შემოარტყეს
აქციის მონაწილეებმა, რომლებიც „უცხოური გავლენის გამჭვირვალობის“ შესახებ კანონპროექტს აპროტესტებენ, საკანონმდებლო ორგანოს წრე შემოარტყეს და ჯაჭვი შეკრეს.
მანიფესტანტების თქმით, ეს აქტი არის მათი “მოქალაქეობრივი ხორუმი”.
აქციის მონაწილეები მსვლელობისას სკანდირებდნენ: “საქართველოს გაუმარჯოს!” "არა რუსულ კანონს!"
მათ თან აქვთ ევროკავშირის და საქართველოს დროშები.
პარლამენტის ყველა შესასვლელთან სამართალდამცველები არიან განლაგებული.
აქციის გამო გადაკეტილია რუსთაველის გამზირი. ადგილზე მობილიზებულია პოლიცია.
შეგახსენებთ, რომ აქციის მონაწილეები „უცხოური გავლენის გამჭვირვალობის“ შესახებ კანონპროექტს აპროტესტებენ.