როგორია განათლების ახალი მინისტრის გიორგი ამილახვარის ქონებრივი მდგომარეობა და რა განათლება აქვს მას?
"ქართულმა ოცნებამ" განათლებისა და მეცნიერების მინისტრის პოსტიდან მიხეილ ჩხენკელის უკვე მეორედ გაშვების შემდეგ, ამ თანამდებობაზე გიორგი ამილახვარი წარადგინა.
ის დღემდე საქართველოს X მოწვევის პარლამენტის წევრი გახლდათ, რომლის დეპუტატი "ქართული ოცნება - დემოკრატიული საქართველოს“ პარტიული სიით გახდა.
განათლება
გიორგი ამილახვარი 1984 წლის 1-ლ იანვარს დაიბადა. დაამთავრა ივანე ჯავახიშვილის სახელობის თბილისის სახელმწიფო უნივერსიტეტი სამართალმცოდნეობის სპეციალობით. აქვს სამართლის დოქტორის ხარისხი.
როგორც პარლამენტის საიტზე გამოქვეყნებული ინფორმაციით ვიგებთ, 1999-2000 სასწავლო წელი ამერიკაში, ტეხასის ალამოს უმაღლეს სკოლაში გაატარა, 2016 წელს კი, კვლევითი სტაჟირება გაიარა გერმანიაში, კერძოდ, ჰამბურგში, მაქს-პლანკის საერთაშორისო, კერძო და შედარებითი სამართლის კვლევით ინსტიტუტში.
სამუშაო გამოცდილება
2004 წელს მუშაობდა დიდ ბრიტანეთში, ლონდონში კომპანიაში "კლინტონ დავის პალასი - ადვოკატები", ადვოკატის თანაშემწედ;
2007 - 2008 სახელმწიფო მინისტრის აპარატში, ევროპული და ევროატლანტიკური ინტეგრაციის საკითხებში მთავარ სპეციალისტად მუშაობდა;
2008- 2010 წლებში გახლდათ ლიტვური საინვესტიციო კომპანია შპს "სავერუსის“ საქართველოს ფილიალის "სავერუს ჯორჯიას“ მთავარი იურისტი;
2010 - 2020 წლებში იყო საგანმანათლებლო პროგრამების აკრედიტაციის საბჭოს თავმჯდომარის მოადგილე;
2010 - 2020 წლებში კი იყო თბილისის ღია სასწავლო უნივერსიტეტის ვიცე-რექტორი, რექტორი, ასოცირებული პროფესორი სამართალში.
ქონებრივი დეკლარაცია
დეკლარაცია ბოლოს დეპუტატის პოსტზე 2023 წლის 27 თებერვალს შეავსო.
ამილახვარს თბილისში აქვს ერთი ბინა, ყაზბეგის გამზირზე, რომელიც მისთვის 2006 წელს უჩუქებიათ. ამავე მისამართზე აქვს არასაცხოვრებელი ფართი, სარდაფი და მანსარდა.
მისი მეუღლის სახელზე გაფორმებულია ბინა ამაღლების ქუჩაზე, რომელიც 2011 წელს 500 000 ლარად არის შეძენილი, ამავე მისამართზე აქვს 10 000 ლარად შეძენილი დამხმარე ფართი, ასევე 15 000-ად შეძენილი ავტოფარეხი. ეს ყველაფერი მის მეუღლეზეა გაფორმებული. იხილეთ სრულად