თბილისში, საცხოვრებელი კორპუსიდან კიდევ ერთი არასრულწლოვანი გადმოვარდა
საცხოვრებელი კორპუსიდან კიდევ ერთი არასრულწლოვანი გადმოვარდა. ამჯერად შემთხვევა აღმაშენებლის გამზირზე მოხდა.
როგორც "ინტერპრესნიუსს" სასწრაფო-სამედიცინო დახმარების ცენტრში განუცხადეს, მოზარდი ამ წუთებში ექიმებს ინგოროყვას საუნივერსიტეტო კლინიკაში გადაჰყავთ.
შემთხვევის ადგილზე სამართალდამცველები უკვე მივიდნენ.
შეგახსენებთ, რომ ბოლო სამ დღეში, მაღალსართულიანი შენობიდან არასრულწლოვნის გადმოვარდნის ეს უკვე მესამე შემთხვევაა.