რამდენად ხშირია არასრულწლოვნებისთვის თამბაქოს მიყიდვის ფაქტები საქართველოში?
2017 წელს არასრუწლოვნებზე თამბაქოს რეალიზაციის 7 ფაქტი დაფიქსირდა, - ამის შესახებ ინფორმაცია Allnews.ge-მ შინაგან საქმეთა სამინისტროდან გამოითხოვა.
უწყების ინფორმაციით, 7-დან 5-ჯერ კანონი შეზღუდული პასუხისმგებლობის საზოგადოებამ დაარღვია, ხოლო 2-ჯერ ინდმეწარმემ.
"2017 წლის 01 იანვრიდან 2017 წლის 31 დეკემბრის ჩათვლით პერიოდში ადმინისტრაციულ სამართალდარღვევათა კოდექსის 155 მუხლის IV ნაწილით ("თამბაქოს 3 პროდუქციის რეალიზაცია 18 წლამდე ასაკის პირზე") გათვალისწინებული სამართალდარღვევის 7 ფაქტი ფიქსირდება (მათ შორის 5 ფაქტთან დაკავშირებით სამართალდამრღვევს წარმოადგენს შეზღუდული პასუხისმგებლობის საზოგადოება, ხოლო 2 შემთხვევაში - ინდივიდუალური მეწარმე)," - განმარტებულია შსს-ს მიერ მოწოდებულ ინფორმაციაში.
შეგახსენებთ, "თამბაქოს კონტროლის შესახებ" საქართელოს კანონის მიხედვით, 18 წლამდე ასაკის პირზე თამბაქოს აქსესუარის ამ/და თამბაქოს მოხმარებისთვის განკუთვნილი მოწყობილობის რეალიზაცია აკრძალულია.
2017 წელს არასრულწლოვნისთვის ცივი იარაღის მიყიდვის ფაქტი არ დაფიქსირებულა - შსს-ის სტატისტიკა