თბილისის აეროპორტში თვითმფრინავი ავარიულად დაეშვა
კიევი-თბილისის ავიარეისი ავარიულად დაეშვა. მიზეზი სავარაუდოდ, თვითმფრინავის სამუხრუჭე სისტემის გაუმრთაობა გახდა.
როგორც „ინტერპრესნიუსის“ კორესპონდენტი ადგილიდან იტყობინება, "უკრაინის ავიახაზების" კუთვნილმა თვითმფრინავმა თბილისის გარშემო 3-ჯერ დაუგეგმავად გააკეთა წრე. საბოლოოდ, 35 წუთის დაგვიანებით, თვითმფრინავი ბილიკზე ავარიულად, მაღალი სიჩქარით დაეშვა. დაშვებისას სამუხრუჭე ფრთები არ გაშლილა.
აეროპორტში დაშვებამდე მფრინავმა და რეისის ეკიპაჟმა მგზავრებს საინფორმაციო ინსტრუქტაჟი ჩაუტარეს, თუ როგორ უნდა მოქცეულიყვნენ, ავარიულად დაშვების დროს.
თვითმფრინავს აეროპორტში რამდენიმე სახანძრო და სამაშველო სამსახური და პოლიცია დახვდა. ავარიულად დაშვების გამო არც მგზავრები და არც თვითმფრინავი არ დაზიანებულა.