თსუ ევროპის 400 საუკეთესო უნივერსიტეტს შორისაა
ივანე ჯავახიშვილის სახელობის თბილისის სახელმწიფო უნივერსიტეტმა ევროპის 400 საუკეთესო უნივერსიტეტის ჩამონათვალში 301+ პოზიცია დაიკავა.
თსუ რეგიონში ერთადერთი უნივერსიტეტია, რომელიც ევროპის times higher education-ის მონაცემებით, 400 საუკეთესო უნივერსიტეტს შორისაა.
ევროპის 2017 წლის რანჟირებაში სულ 35 ევროპული ქვეყანა მოხვდა. ევროპის უნივერსიტეტები მსოფლიოს 1000 საუკეთესო უნივერსიტეტის დაახლოებით 40%-ს შეადგენენ.
ჩამონათვალში კვლავ ოქსფორდის უნივერსიტეტი ლიდერობს. მასთან ერთად სიაში გაერთიანებული სამეფოს 90 სხვა უნივერსიტეტიც არის. უნივერსიტეტების რაოდენობით მე-2 ადგილს გერმანია იკავებს.