საქართველოში გამოდარებას 26 აპრილიდან პროგნოზირებენ
სინიპტიკოსები საქართველოში გამოდარებას 26 აპრილიდან პროგნოზირებენ.
როგორც გარემოს ეროვნული სააგენტოს მონიტორინგისა და პროგნოზირების ცენტრში განაცხადეს, ხვალ, 25 აპრილს დასავლეთ საქართველოში მოსალოდნელია წვიმა, ასევე ქარი 17 -22 მეტრი წამში. ტემპერატურა +7 +12 გრადუსი იქნება.
აღმოსავლეთ საქართველოს ზოგიერთ რაიონში ხვალ მოსალოდნელია ზოგან წვიმა, მთაში თოვლი, ქარის სიჩქარე 20 -25 მეტრი წამში იქნება. ტემპერატურა +11 +16 გრადუსია ნავარაუდევი.
თბილისში ხვალ მოსალოდელია უნალექო დღე, ძლიერი ქარი, ტემპერატურა +14 გრადუსი იქნება.
სინოპტიკოსების პროგნოზით, 26 აპრილს საქართველოში გამოიდარებს. დასავლეთ საქრთველოში ტემპერატურა +18 +23 გრადუსი, აღმოსავლეთში კი, +12 +17 გრადუსი იქნება.
სინოპტიკოსების ინფორმაციით, 26 აპრილიდან თვის ბოლომდე საქართველოში უმეტესად უნალექო ამინდია მოსალოდნელი.