სოსო ოხანაშვილის ინფორმაციით, პატრიარქის დაცვის 3 წევრი სამსახურიდან გაათავისუფლეს
პატრიარქის დაცვის 3 წევრი სამსახურიდან გაათავისუფლეს, - ამის შესახებ პატრიარქის დაცვის ყოფილმა უფროსმა სოსო ოხანაშვილმა განაცხადა.
ოხანაშვილისთვის უცნობია, რა მიზეზით გაუშვეს ისინი სამსახურიდან. "სამი ადამიანია სამსახურიდან გათავისუფლებული, მაგრამ არ ვიცი რა მიზეზით გაუშვეს, - განაცხადა სოსო ოხანაშვილმა.
"ინტერპრესნიუსი" ინფორმაციის გადამოწმებას საპატრიარქოში ცდილობს, თუმცა საზოგადოებასთან ურთიერთობის სამსახურთან დაკავშირება ჯერჯერობით ვერ ხერხდება.