სასამართლომ ლევან როსტოშვილს თავისუფლების 8 წლით, ლაშა კურტანიძეს კი 5 წლით აღკვეთა შეუფარდა | Allnews.Ge

სასამართლომ ლევან როსტოშვილს თავისუფლების 8 წლით, ლაშა კურტანიძეს კი 5 წლით აღკვეთა შეუფარდა

თბილისის საქალაქო სასამართლომ ყოფილ ტელეწამყვან ლევან როსტოშვილს, იგივე "როსტოს" თავისუფლების 8 წლით, მსახიობ ლაშა კურტანიძეს კი 5 წლით აღკვეთა შეუფარდა. გადაწყვეტილება მოსამართლე ლაშა ჩხიკვაძემ ცოტა ხნის წინ გამოიტანა. მოსამართლემ ორივე პირი დამნაშავედ დიდი ოდენობით ნარკოტიკული საშუალების უკანონოდ შეძენა-შენახვაში სცნო.

ლევან როსტოშვილი და ლაშა კურტანიძე სამართალდამცველებმა 2016 წლის მაისში, დიდი ოდენობით ნატკოტიკული ნივთიერთების შეძენა შენახვის ბრალდებით დააკავეს. თავდაპირველად ბრალდებულებს აღკვეთის ღონისძიების სახით პატიმრობა შეეფარდათ, თუმცა მოგვიანებით ისინი სასამართლო დარბაზიდან 150-150 ათას ლარიანი გირაოს სანაცვლოდ გათავისუფლდნენ. გირაოთი გათავისუფლების შემდეგ საუბარი იყო მათთან საპროცესო შეთანხმების გაფორმებაზე, თუმცა პროკურატურასა და ბრალდებულებს შორის შეთანხმება ვერ შედგა.

myquiz