რას საქმიანობდა ირაკლი შოთაძე მთავარი პროკურორის პოსტის დაკავებამდე | Allnews.Ge

რას საქმიანობდა ირაკლი შოთაძე მთავარი პროკურორის პოსტის დაკავებამდე

საქართველოს მთავარი პროკურორი, ირაკლი შოთაძე 1983 წელს, ქალაქ თბილისში დაიბადა. 2015 წლის 17 ნოემბერს ის მთავარ პროკურორად დაინიშნა.

2005 წელს შოთაძემ "ივანე ჯავახიშვილის სახელობის თბილისის სახელმწიფო უნივერსიტეტის" იურიდიული ფაკულტეტი დაამთავრა. 2006 წელს მან პროკურატურაში დაიწყო მუშაობა.

2010 წლიდან დღემდე, შრომით საქმიანობას შემდეგ თანამდებობებზე ეწეოდა:

2006 წელი - გენერალური პროკურატურის საკადრო უზრუნველყოფის დეპარტამენტის სპეციალისტის პოზიცია. ამავე წელს ის გენერალური პროკურატურის, შინაგან საქმეთა სამინისტროს საზოგადოებრივი უსაფრთხოების სამსახურის, საგარეო დაზვერვის სპეციალური სამსახურის, თავდაცვისა და იუსტიციის სამინისტრიებში, გამოძიების საპროცესო ხელმძღვანელობისა და სასჯელის მოხდის კანონიერებაზე ზედამხედველობის დეპარტამენტის სტაჟიორი იყო.

2006-2009 წლებში ირაკლი შოთაძე თბილისის დიდუბე-ჩუღურეთის პროკურორის პოზიციას იკავებდა;

2009-2010 წლებში საქართველოს მთავარი პროკურატურის ფინანსთა, გარემოს დაცვისა და ბუნებრივი რესურსების სამინისტროებში გამოძიების საპროცესო ხელმძღვანელობისა და უკანონო შემოსავლის ლეგალიზაციაზე სისხლისსამართლებრივი დევნის დეპარტამენტის გამოძიების საპროცესო ხელმძღვანელობის სამმართველოს პროკურორი იყო.

2010 წლის სექტემბერში მან საქმიანობა საქართველოს ფინანსთა სამინისტროს საგამოძიებო სამსახურში განაგრძო და 2013 წლის 21 ნოემბრამდე სხვადასხვა თანამდებობას იკავებდა:

2010-2012 წლებში საგამოძიებო დეპარტამენტის თბილისის მთავარი სამმართველოს უფროსისი მოადგილე იყო, ხოლო 2013 წელს საგამოძიებო დეპარტამენტის უფროსი.

2014-2015 წლის 17 ნოემბრამდე ირაკლი შოთაძე მთავარი პროკურორის მოადგილე იყო.

რაც შეეხება მის ქონებას, ირაკლი შოთაძე მშობლების საცხოვრებელ ბინაში, ჯემალ შოთაძესა და მანანა ბლაგიძესთან, ასევე მეუღლესთან და შვილთან, ნინო გოტიაშვილთან და ნიკოლოზ შოთაძესთან ერთად ცხოვრობს.

ჯემალ შოთაძე თბილისში, ნუცუბიძის ქუჩაზე 56 კვ.მ ფართობის ბინას, მანანა ბლაგიძე კი ფანასკერტელის ქუჩაზე 100 კვ.მ ფართობის ბინას ფლობს.

მეუღლეს, ნინო გოტიაშვილს, თეთრი წყაროს რაიონში საცხოვრებელი სახლი აქვს, ხოლო ჯემალ შოთაძე ოზურგეთში მიწის ნაკვეთსა და საცხოვრებელ სახლს ფლობს.

ირაკლი შოთაძის სახელფასო ანგარიში "ლიბერთი ბანკში" 4 203 ლარია. ის ასევე 80 000$-ს ფლობს. ირაკლი შოთაძის მიერ, წინა წელს, მთავარი პროკურორის მოადგილის თანამდებობაზე მიღებული ანაზღაურება ჯამში 103 290 ლარია.

შოთაძე ამჟამად 34 წლისაა და კარიერულ საქმიანობას მთავარი პროკურორის თანამდებობაზე აგრძელებს.

myquiz