19.01.2017 / 15:20
შრიფტის ზომა:

რას საქმიანობდა მაკა ჩიჩუა სანამ პირველი ლედი გახდებოდა

საქართველოს პირველი ლედი, მაკა ჩიჩუა 1971 წლის 31 მარტს, ქალაქ თბილისში დაიბადა. დაამთავრა თბილისის სახელმწიფო სამხატვრო აკადემია, სხვადასხვა წლებში საქმიანობდა სამოდელო, მუსიკალურ, სატელევიზიო სფეროებსა და კინოინდუსტრიაში. გადაღებულია რამდენიმე მუსიკალურ რგოლსა და მხატვრულ ფილმში.

2000 წლიდან თანამშრომლობდა სხვადასხვა ტელეკომპანიებთან ("მზე", "მეცხრე არხი", "პიკი", "ტვ-3"), მუშაობდა ტელეწამყვანის, ვიზუალური ჯგუფის ხელმძღვანელის, არტდირექტორის პოზიციებზე.

2015 წელს მხატვრულად გააფორმა ახალგაზრდული ლიტერატურული ფესტივალის ერთ-ერთი გამარჯვებულის წიგნი.

როგორც ცნობილია, მაკა ჩიჩუამ და გიორგი მარგველაშვილმა ერთმანეთი შვილების დახმარებით გაიცნეს. ერთად 5 წლის განმავლობაში ცხოვრობდნენ და მარგველაშვილის გაპრეზიდენტების შემდეგ, 2014 წელს იქორწინეს. მათ ხელი დუშეთის სამოქალაქო რეესტრის სამსახურში მოაწერეს. საქორწინო ხელისმოწერისას მოწმეები მათი შვილები - ანა მარგველაშვილი და მაშო ჩიჩუა იყვნენ. 2015 წლის 2 თებერვალს მაკა ჩიჩუას მეორე შვილი შეეძინა.

პირველი ლედის ქალიშვილის, მაშოს მამა მუსიკოსი დიმა დადიანია.

მაკა ჩიჩუა მონაწილეობს ფილმებში: "გაიღიმეთ,"  "დღე," "ტრასა", "ცხოვრება დონ კიხოტისა და სანჩოსი", "აღდგომის ბატკანი".

იხილეთ ინგლისურენოვანი ვერსია: Maka Chichua: Life before becoming Georgia’s First Lady