22 იანვრის ჩათვლით არამდგრადი ამინდია მოსალოდნელი
გარემოს ეროვნული სააგენტოს ინფორმაციით 18 იანვარს საქართველოში უმეტესად უნალექო ამინდი შენარჩუნდება.
როგორც გარემოს ეროვნული სააგენტოდან გვაცნობეს, ჰაერის ტემპერატურა დასავლეთ საქართველოში +11-დან +16 გრადუსამდე, აღმოსავლეთ საქართველოში კი +4-დან +9 გრადუსი იქნება.
19 იანვარს შავი ზღვის ჩრდილო - დასავლეთიდან ცივი და ნოტიო მასების გავრცელების გამო, დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, მთაში თოვლი, ზოგან შესაძლებელია ძლიერი თოვა. ჰაერის ტემპერატურა იქნება +4, +9 გრადუსი.
20 იანვარს დასავლეთ საქართველოში შედარებით გამოიდარებს, აღმოსავლეთ საქართველოში მოსალოდნელია ცივი, ნალექიანი და ნისლიანი ამინდი.
22 იანვარს ქვეყნის ტერიტორიის უმეტეს ნაწილზე კვლავ მოსალოდნელია ნალექი, მთაში თოვლის სახით, იქროლებას დასავლეთის მიმართულების ძლიერი ქარი.