საქართველოს მოსახლეობის ერთ-ერთ მთავარ პრობლემად კვლავ სამუშაო ადგილები რჩება
დღეს NDI-მ კვლევა გამოაქვეყნა, რომლის თანახმადაც, გამოკითხულთა 58%-სთვის ყველაზე მნიშვნელოვანი ეროვნული საკითხი კვლავ სამუშაო ადგილებია.
ამასთან, კითხვაზე: რომელი ეროვნული საკითხია თქვენთვის ან თქვენი ოჯახისთვის ყველაზე მნიშვნელოვანი, გამოკითხულთა უმრავლესობა ფასების ზრდას და ინფლაციას, სიღარიბეს, ტერიტორიული მთლიანობასა და პენსიებს ასახელებს.
რაც შეეხება დასაქმებელთა და დაუსაქმებელთა რაოდენობას, "ეროვნული დემოკრატიული ინსტიტუტის კვლევის თანახმად," გამოკითხულთა 34% თავს დასაქმებულად თვლის.
გამოკითხულთა 66% კი, თავს დასაქმებულად არ მიიჩნევს.
როგორც კვლევის ავტორები აცხადებენ, 2010 წლის შემდეგ აღნიშნული მაჩვენებლები სტაბილურია. NDI-ის კვლევის საველე სამუშაოები ჩატარდა 4 ნოემბერი-4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3 141 პირისპირ ინტერვიუს წარმომადგელობითი შერჩევის საფუძველზე. საშუალო ცდომილების ზღვარი +/-1,8%-ია.
NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC-საქართველო.