რა ხდებოდა "ფეისბუქზე", როდესაც NBA-ს შუალედური შედეგებით ზაზა ფაჩულიამ მეორე ადგილი დაიკავა
გამოქვეყნდა NBA-ს "ყველა ვარსკვლავის" მატჩის ხმების შუალედური შედეგები, რომლის მიხედვითაც ზაზა ფაჩულია თავის კატეგორიაში მე-2 ადგილზეა.
დასავლეთ კონფერენციის ფორვარდთა შორის ზაზა ფაჩულიას 439 675 ხმა აქვს.
წინ მხოლოდ მისი თანაგუნდელი "გოლდენ სტეიტიდან" კევინ დურანტია - 541 ათასი ხმა. მე-3 ადგილზეა კავაი ლეონარდია (სან ანტონიო) 341 ათასი ხმით.
დასავლეთში მცველებს შორის სტეფ კარი (გოლდენ სტეიტი) ლიდერობს 523 ათასი ხმით, მეორე ადგილზე კი ჯეიმს ჰარდენია - 519 ათასი.
"ყველა ვარსკვლავის" მატჩში 2 მცველი და 3 ფორვარდი შეირჩევა, თუმცა წინა წლებისგან განსხვავებით ფანების ხმები მხოლოდ 50% ქულებს აგროვებს, დანარჩენ 50%-ს კი ასოციაციის კალათბურთელებისა და ჟურნალისტების ხმები (25-25%) გადაწყვეტს.
აღმოსავლეთ კონფერენციაში ლიდერობენ ფორვარდები: ლებრონ ჯეიმსი (კლივლენდი) - 595 ათასი, იანის ადეტოკუმბო (მილუოკი) - 500 ათასი, კევინ ლავი (კლივლენდი) - 250 ათასი.
მცველები: კაირი ირვინგი (კლივლენდი) - 543 ათასი, დუეინ უეიდი (ჩიკაგო) - 278 ათასი.
ხმების მიცემა 16 იანვრამდე არის შესაძლებელი. შარშან ზაზა ფაჩულიას სულ რაღაც 14 ათასი ხმა დააკლდა "ყველა ვარსკვლავის" მატჩში მოსახვედრად.
ასევე ნახეთ: He did it again: Zaza Pachulia on second place in NBA All-Star voting