თბილისის შემოგარენში თოვს
თბილისის შემოგარენში თოვს. თოვლის სახით ნალექი მოდის წავკისში, წყნეთში, კოჯორში. თოვს ასევე კახეთში - ბოდბეში, დედოფლისწყაროში.
რაც შეეხება ხვალინდელ ამინდს, როგორც "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრში განუცხადეს, 26 ოქტომბერს, თბილისში მოსალოდნელია ნალექი და ნისლი, დედაქალაქის შემოგარენში კი, არ არის გამორიცხული თოვლ-ჭყაპი, ან თოვლი აღინიშნოს, კერძოდ საუბარია წყნეთზე, კოჯორსა და ოქროყანაზე. ასევე, შესაძლოა თოვლ-ჭყაპი, ან თოვლი აღინიშნოს, კახეთის ზოგიერთ რაიონშიც.
26 ოქტომბერს ტემპერატურა დასავლეთ საქართველოში +10 +15, აღმოსავლეთში +2 +6, თბილისში კი, +4 გრადუსი იქნება.
სინოპტიკოსები გამოდარებას 27 ოქტომბრიდან ელოდებიან.