მცხეთაში, ავარიის შედეგად მცირეწლოვანი ბავშვი დაიღუპა
მცხეთაში, ჯვრის მონასტერთან, ავარიის შედეგად მცირეწლოვანი ბავშვი დაიღუპა. არსებული ინფორმაციით, მძიმე მდგომარეობაშია გარდაცვლილის დედაც, რომელიც საავადმყოფოშია გადაყვანილი.
როგორც შინაგან საქმეთა სამინისტროში განაცხადეს, მომხდარზე დაწყებულია გამოძიება სსკ-ის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.