ბათუმში ჩარჩენილი ყაზახი ტურისტების გამგზავრების საკითხი ამ დრომდე გაურკვეველია
გაემგზავრებიან თუ არა ყაზახი ტურისტები ბათუმიდან ჯერ ისევ გაურკვეველია. როგორც ჟურნალისტებს ავიაკომპანია Sky Bus-ის გენერალურმა მენეჯერმა საქართველოში, სოსო ნადარეიშვილმა განუცხადა, დღის განმავლობაში გადაწყდება მგზავრებს სხვა ავიაკომპანიის თვითმფრინავით გაიყვანენ თუ არსებული ტექნიკური პრობლემა მოგვარდება.
მისივე თქმით, მგზავრთა ნაწილის უკმაყოფილება გასაგებია იქედან გამომდინარე, რომ ისინი თავდაპირველად მაღალი კლასის სასტუმროში ცხოვრობდნენ, შემდეგ კი იმის გამო, რომ ადგილები აღარ იყო მაღალი კლასის სასტუმროებში, დააბინავეს შედარებით დაბალი კლასის სასტუმროში:
ყაზახეთის 150 მოქალაქე ბათუმიდან სახლში დაბრუნებას ვერ ახერხებს
"რეისი გადაიდო ტექნიკური ხარვეზის გამო იქედან გამომდინარე, რომ Sky Bus-ის თვითმფრინავი გამოვიდა მწყობრიდან. გადაიდო ფრენა სამი ქალაქის მიმართულებით. ყველა მგზავრს აქვს სამჯერადი კვება და კომპანიის თანამშრომლები 24 საათის განმავლობაში ყურადღებას არ აკლებენ. ვცდილობთ რაც შეიძლება სწრაფად გავიყვანოთ მგზავრები საქართველოდან, - აღნიშნა სოსო ნადარეიშვილმა.
მისივე თქმით, ყაზახი ტურისტების გამგზავრების საკითხი, დღის განმავლობაში გადაწყდება.
ნინო ხოზრევანიძე
ბათუმი