მეცნიერებმა პოლიეთილენის გამანადგურებელი ფერმენტი აღმოაჩინეს, რომელმაც შესაძლოა დედამიწა დაბინძურებისგან იხსნას
მეცნიერებმა პოლიეთილენის გამანადგურებელი ფერმენტი აღმოაჩინეს, რომელიც შეიძლება დედამიწის ერთ-ერთი ყველაზე დიდი დამაბინძურებლის წინააღმდეგ საბრძოლველად გამოიყენონ.
პორტსმუტის უნივერსიტეტმა ბრიტანეთში და აშშ-ს განახლებადი ენერგიის ეროვნულმა ლაბორატორიამ ეს ფერმენტი რამდენიმე წლის წინ აღმოაჩინეს, როცა იაპონიაში ნარჩენების გადამუშავების ცენტრში ბუნებრივ ფერმენტებს იკვლევდნენ.
მათი განმარტებით, ფერმენტს სახელად Ideonella sakaiensis 201-F6 პოლიეთილენის "შეჭმა" შეუძლია, რომლითაც ახლა გარემო ძალიან დაბინძურებულია.
ოკეანეები პოლიეთილენის პარკებითა და ბოთლებით არის სავსე
როგორც მეცნიერები განმარტავენ, ფერმენტს ასევე პოლიეთილენის და სხვა ისეთი სტუქტურის მქონე მასალების განადგურება შეუძლია, რომლებიც ბიოდეგრადირებადი არ არის.
"აღმოჩენა საშუალებას გვაძლევს, ფერმენტები კიდევ უფრო გავაუმჯობესოთ და რაც მთავარია, ამ ყველაფერს პოლიეთილენისა და პლასტმასის მთების განადგურების შესაძლებლობამდე მივყავართ", - განმარტა კვლევაში მონაწილე მეცნიერმა.
მომზადებულია CNN-ის მიხედვით.