რატომ და რა პერიოდულობით უნდა მივიღოთ სტაფილოს წვენი
სტაფილოს წვენის ყოველდღიურად დალევა არ არის აუცილებელი. ორგანიზმის დღე-ღამურ მოთხოვნილებას კაროტინზე (A ვიტამინზე) შეესაბამება ამ უკანასკნელის შემცველობა 100 გრამ სტაფილოს წვენში. იმის გამო რომ A ვიტამინს ბევრი სხვა პროდუქტიც შეიცავს, სავსებით საკმარისია კვირაში ორ-სამჯერ ნახევარი ჭიქა სტაფილოს წვენის დალევა.
ისიც გაითვალისწინეთ, რომ სტაფილოში შემავალ კაროტინს მხოლოდ ცხიმთან ერთად ითვისებს ორგანიზმი, ამიტომ წვენსაც, ისევე, როგორც სტაფილოს პიურესა თუ მისგან მომზადებულ სხვა კერძებს მცენარეული ცხიმი (ზეთი) ან არაჟანი უნდა დაამატოთ და ისე მიირთვათ.
სტაფილოს არჩევისა და ყიდვისას კი უნდა გვახსოვდეს შემდეგი წესი:
ყველაზე ვიტამინიზებული ძირხვენა დაახლოებით 150 გრამს იწონის. სასურველია, ავარჩიოთ სტაფილოს საშუალო ზომის ძირხვენები, რადგან მსხვილები ნიტრატებით უფრო მეტად არის გაჯერებული.
სტაფილოს წვენის დალევისას შესაძლოა კანი რამდენადმე გაყვითლდეს. ეს ნუ შეგაშინებთ, მიზეზი სტაფილოს წვენში შემავალი სპეციფიკური პიგმენტია.
Mkurnali.ge