ალბათ, "ნაციონალური მოძრაობა" ვერ ხედავს თავისი კანდიდატების გამარჯვების პერსპექტივას - ეკა ბესელია
"ნაციონალურ მოძრაობას" არ აქვს არანაირი პერსპექტივა და გამარჯვების შანსი, ამიტომ როგორც ჩანს, არ სურთ არც რესურსების მართვა და არც დროის კარგვა, - ასე აფასებს საპარლამენტო უმრავლესობის წევრი ეკა ბესელია "ნაციონალური მოძრაობის" გადაწყვეტილებას, რომელმაც არჩევნების მეორე ტურში მონაწილეობაზე უარი თქვა.
ბესელიას შეფასებით, "ალბათ "ნაციონალური მოძრაობა" ვერ ხედავს თავისი კანდიდატების გამარჯვების პერსპექტივას".
"მოცემულობაა, ფაქტია და ძნელად წარმოსადგენია მათმა რომელიმე კანდიდატმა მოიპოვოს გამარჯვება. მათ ასევე სურთ წარმოაჩინონ, რომ არაჯანსაღი ვითარებაა და ეს სჭირდებათ საერთაშორისო ორგანიზაციებისთვის და დამკვირვებლებისთვის, რომ თავი მსხვერპლად წარმოაჩინონ. მეორე ტურები ჩატარდება ასევე მშვიდ და დემოკრატიულ გარემოში, ყველგან, სადაც ის არის დაგეგმილი, ისე რომ არ იყოს არანაირი კითხვის ნიშანი", - განაცხადა ეკა ბესელიამ.
"ერთიანი ნაციონალური მოძრაობა" არჩევნების მეორე ტურში მონაწილეობაზე უარს ამბობს.