თბილისის საკრებულოს სხდომა "ოცნებისა" და "ნაცმოძრაობის" დეპუტატებს შორის დაპირისპირებით დაიწყო | Allnews.Ge

თბილისის საკრებულოს სხდომა "ოცნებისა" და "ნაცმოძრაობის" დეპუტატებს შორის დაპირისპირებით დაიწყო

თბილისის საკრებულოს რიგგარეშე ხდომა "ქართული ოცნებისა" და "ნაციონალური მოძრაობის" დეპუტატებს შორის სიტყვიერი დაპირისპირებით დაიწყო.

თბილისის საკრებულოს რიგგარეშე სხდომაზე, თბილისის მერის რიგგარეშე ანგარიშის მოსმენამდე, დეპუტატებსა და მერს ფრაქცია "ნაციონალური მოძრაობა - თბილისის" თავმჯდომარემ ირაკლი აბესაძემ მიმართა. აბესაძემ დავით ნარმანიას მისი მმართველობის პერიოდში არსებული ხარვეზები და პრობლემა შეახსენა, კერძოდ, სოციალურად დაუცველი გარკვეული ჯგუფისათვის კომუნალური ვაუჩერის შეჩერება, თბილისის მერის ყოფილი მოადგილის მარგიშვილის დასაქმებისთვის ცენტრის შექმნა, რომელიც დედაქალაქს რამდენიმე მილიონი დაუჯდა და სხვა საკითხები.

საკრებულოს ოპოზიციონერმა დეპუტატმა მერს განუცხადა, რომ თბილისელებს უნდა მიეცეთ საშუალება აირჩიონ ახალი მერი, რომელიც არსებულ პრობლემებს მოაგვარებს.

"თქვენ შეიძლება გადადგომის უფლება არ გქონდეთ, თქვენი მერობით ყველაზე მეტად სარგებელი ბიძინა ივანიშვილმა ნახა", - განაცხადა ირაკლი აბესაძემ.

"ქართული ოცნების" წევრმა, ნუგზარ მალაღურაძემ კი სხდომაზე "ნაციონალური მოძრაობის" დეპუტატებს მათი მმართველობის პერიოდში განხორციელებული შეცდომები გაახსენა. შედეგად მალაღურაძის სიტყვებმა "ნაციონალური მოძრაობის" დეპუტატის თამაზ შოშიაშვილის გაღიზიანება გამოიწვია, რასაც კამათი მოყვა. ამ წუთებში სხდომაზე დედაქალაქის მერი გამოდის.

myquiz