ლევან ბერძენიშვილი - როგორ არის საქმე: დავით ლორთქიფანიძის პიჯაკი უფრო ძვირი ღირს თუ ნიკა მელიას ჯანმრთელობა?!
თუკი უმრავლესობის დეპუტატის პიჯაკის შეურაცხყოფა ისჯება თავისუფლების აღკვეთით, მე მაქვს კითხვა - 20 კაცის მიერ პარლამენტის წევრების, ოპოზიციური პარტიის ლიდერების ფეხქვეშ გაგდება, ცემა-ტყეპა მთელი მსოფლიოს დასანახად ისჯება თუ არა?- ამის შესახებ ჟურნალისტებთან დეპუტატმა ლევან ბერძენიშვილმა განაცხადა.
ბერძენიშვილის თქმით, ის მომხდარ ფაქტთან დაკავშირებით ელოდება სასამართლოს გადაწყვეტილებას.
"თუკი უმრავლესობის დეპუტატის, პიჯაკის შეურაცხყოფა ისჯება თავისუფლების აღკვეთით. მე მაქვს კითხვა: 20 კაცის მიერ პარლამენტის წევრების, ოპოზიციური პარტიის ლიდერების ფეხქვეშ გაგდება, ცემა-ტყეპა მთელი მსოფლიოს დასანახად ისჯება თუ არა?
როგორ არის საქმე - ლორთქიფანიძის პიჯაკი უფრო ძვირი ღირს თუ მელიას ჯანმრთელობა?! საერთოდ, ქართველი ხალხი იმსახურებს თუ არა პატივისცემას.
არ მინდა სიტყვა სპორტსმენი გამოვიყენო იმ ჯალათების მიმართ, რომლებიც თურმე სპორტსაც ემსახურებიან. არანაირი სპორტსმენები ისინი არ არიან, დაივიწყეთ. სპორტსმენი არის ერთ-ერთი ყველაზე ღირსეული და პატივსაცემი პროფესია.
კაცი, რომელიც ჩავა, თუნდაც ძალიან დიდი გულშემატკივარი იყოს ამა თუ იმ პარტიის, რათა ვინმე სცემოს, ის სპორტსმენი არ არის.
ის სხვა შეფასებას იმსახურებს. მე არ ვარ სასამართლო, მაგრამ ველოდები სასამართლოს გადაწყვეტლებას", - განაცხადა ლევან ბერძენიშვილმა.