რომელი ქვეყნები აგრძელებენ რუსული ენერგორესურსების შესყიდვას?
მიუხედავად არაერთი სანქციისა თუ დასავლეთის მიერ იმპორტის შეზღუდვისა, რუსეთმა უკრაინაში შეჭრიდან 100 დღეში 97.7 მილიარდი აშშ დოლარის შემოსავალი მიიღო წიაღისეული საწვავის ექსპორტით, 1 დღეში საშუალო შემოსავალი კი 977 მილიონი დოლარი იყო.
ეს შემოსავალი მნიშვნელოვან როლს თამაშობს რუსეთის სამხედრო აგრესიის დაფინანსებაში. ქვეყნების ჩამონათვალი, რომლებიც რუსული ენერგომატარებლების შესყიდვას აგრძელებენ, შემდეგნაირად გამოიყურება:
წყარო: Centre for Research on Energy and Clean Air (CREA).
როგორც გრაფიკიდან ჩანს, რუსული ენერგომატარებლების უმსხვილესი მომხმარებელი ჩინეთია - ქვეყანა ყველაზე დიდი რაოდენობით ნედლ ნავთობს ყიდულობს მეზობლისგან. შემდეგ მოდის გერმანია, რომელიც, რუსულ ბუნებრივ აირზე თითქმის 40%-ითაა დამოკიდებული, შემდეგ კი იტალია, რომლის რუსეთიდან იმპორტშიც ასევე უდიდესი წილი აქვს ნედლ ნავთობს.