ერთ-ერთი ამერიკელი ბიტკოინებით ISIS-ის დახმარებას ცდილობდა
ნიუ-იორკის მკვიდრ ქალს "ისლამური სახელმწიფოს" მიერ ფულის გათეთრებაში დასახმარებლად ბიტკოინებისა და სხვა კრიპტოვალუტის გამოყენებაში ადანაშაულებენ.
27 წლის ზუბია შაჰნაზი მას შემდეგ დააკავეს, რაც მან თაღლითური გზით მოპოვებული საკრედიტო ბარათებისა და სესხების საშუალებით 85 000 დოლარი შეაგროვა და ცდილობდა აღნიშნული თანხა "ისლამური სახელმწიფოსთვის" გადაეცა.
პროკურორების ინფორმაციით, მოპოვებული საკრედიტო ბარათებით შაჰნაზი ბიტკოინებსა და სხვა კრიპტოვალუტას ყიდულობდა.
ივლისში მან პაკისტანის პასპორტი მიიღო და პაკისტანში, იქიდან კი სირიაში გამგზავრება მოინდომა. ის ჯონ კენედის სახელობის აეროპორტში 9500 დოლარი ნაღდი ფულით დააკავეს.
ზუბია შაჰნაზს ფულის გათეთრების ბრალდების მიხედვით 20 წლამდე პატიმრობა, ხოლო საბანკო თაღლითობისთვის 30 წლამდე პატიმრობა ემუქრება.
დაკავებული ქალის ადვოკატი ამტკიცებს, რომ ის ფულს საზღვარგარეთ სირიელი მიგრანტების დასახმარებლად გზავნიდა.