ისრაელმა დამასკოს სამხედრო ობიექტის მიმართულებით რამდენიმე რაკეტა გაუშვა
გასულ ღამით ისრაელმა დამასკოს სამხრეთ-აღმოსავლეთში, ელ-ქისვას რაიონში მდებარე სამხედრო ობიექტის მიმართულებით რამდენიმე რაკეტა გაუშვა. სირიული ტელეარხის Al Ekhbariya-ს ინფორმაციით, ერთ-ერთმა რაკეტამ სამხედრო პოზიციას მიაღწია და მატერიალური ზარალი მიაყენა.
"სირიის საჰაერო თავდაცვის სისტემამ საპასუხო ცეცხლი გახსნა და მოწინააღმდეგის ორი სამიზნე გაანადგურა", - ნათქვამია განცხადებაში.
ტელეარხმა ამ შეტევას "ისრაელის დაუფარავი აგრესია" უწოდა.