"ისლამური სახელმწიფო" საშობაოდ ინგლისს, საფრანგეთსა და გერმანიას ემუქრება
დაჯგუფება "ისლამური სახელმწიფო" დიდ ბრიტანეთში, საფრანგეთსა და გერმანიაში საშობაო ბაზრობაზე თავდასხმებით იმუქრება. Daily Mail-ის ინფორმაციით, ქსელში დაჯგუფების მომხრეთა შორის შესაბამისი სურათები და პლაკატები გავრცელდა.
კონკრეტულად, "ბოევიკებმა" მესენჯერის საშუალებით გაავრცელეს გამოსახულება, რომელზეც ჩანს, რომ სანტა კლაუსს შავ სამოში ჩაცმული ფიგურა დაჰყურებს, რომელზეც ინგლისურ, ფრანგულ და გერმანულ ენებზე წერია: "მალე თქვენს დღესასწაულებზე".
ტერორისტებმა, ასევე, გაავრცელეს ფოტოები, რომლებიც ეიფელის კოშკიდან არის გადაღებული, რომლის წინა პლანზე გამოსახულია სისხლიანი ხელი, რომელსაც დანა უკავია.