"ისლამური სახელმწიფო" 4 წლის პრინცი ჯორჯის მოკვლით იმუქრება
ტერორისტული დაჯგუფება "ისლამური სახელმწიფო" გაერთიანებულ სამეფოს 4 წლის პრინცი ჯორჯის სკოლაში მოკვლით დაემუქრა. აღნიშნულ ინფორმაციას Mirror-ი ავრცელებს.
გავრცელებული ინფორმაციით, სამეფო ოჯახის წინააღმდეგ მიმარული მუქარის შემცველი გზავნილები შეტყობინებების საიდუმლო სერვის Telegram-ზე გამოჩნდა.
ექსტრემისტები Telegram-ს იმის გამო იყენებენ, რომ იქ ანონიმურობის დაცვა შესაძლებელია და შეტყობინების ავტორის ადგილმდებარეობას არ აჩვენებს.
"ისლამური სახელმწიფოს" ერთ-ერთ კარგად ცნობილ საინფორმაციო არხზე პრინცი ჯორჯის ფოტო გამოჩნდა, რომელიც სკოლასთან არის გადაღებული, ფოტოს ახლდა წარწერა: "სკოლა ადრე იწყება".
პრინცი ჯორჯის სკოლაში უსაფრთხოების ზომები მას შემდეგ გამკაცრდა, რაც ქალმა გადაიღო თუ როგორ დადიოდა სკოლის კორიდორებში დაუბრკოლებლად.