ერაყში ტერაქტის შედეგად 74 ადამიანი დაიღუპა
ერაყის სამხრეთში, დი-კარის პროვინციაში მომხდარი ორმაგი ტერაქტის შედეგად, დაღუპულთა რიცხვმა 74-ს მიაღწია, დაშავებულია 93 ადამიანი. ამის შესახებ ტელეარხ "ალ-ჯაზირას" პროვინციის ჯანდაცვის დეპარტამენტის ხელმძღვანელის მოადგილემ განუცხადა.
"ერაყის სამხრეთში მომხდარი ტერაქტის შედეგად დაღუპულია 74 ადამიანი, ხოლო 93 დაშავდა", - განაცხადა აბდელ ჰუსეინ ალ-ჯაბრიმ.
ქალაქ ნასირიადან დასავლეთით ტერორისტები კაფეს დაეხსნენ თავს და ერთ-ერთ საკონტროლო-გამშვებ პუნქტთან დანაღმული მანქანა ააფეთქეს. აღსანიშნავია, რომ დაღუპულთა შორის ირანის მოქალაქეებიც არიან.
ტელეარხ Sky News Arabia-ს ინფორმაციით, ტერაქტზე პასუხისმგებლობა "ისლამურმა სახელმწიფომ" აიღო.