HBO ჩერნობილის ტრაგედიაზე მინისერიალს გადაიღებს
ამერიკული საკაბელო სატელევიზიო არხების ქსელი - HBO 1986 წლის 26 აპრილს, უკრაინის ტერიტორიაზე მდებარე ჩერნობილის ატომური ელექტროსადგურის მეოთხე ბლოკზე მომხდარ კატარსტროფაზე მინი-სერიალის გადაღებას ოქტომბერში, ლიტვაში დაიწყებს.
ხუთი სერიისგან შემდგარ სერიალში მთავარ როლს ჯარედ ჰარისი შეასრულებს, რომელიც რუსი მეცნიერის როლს მოირგებს.
ბირთვულ მოვლენათა საერთაშორისო შკალით, მეშვიდე დონის ერთადერთ შემთხვევაზე გადაღებული სერიალის რეჟისორი იოჰან რენკი იქნება.
შეგახსენებთ, რომ ავარიის შედეგად გაჩენილმა რადიოაქტიურმა ღრუბელმა სსრკ-ის ევროპული ნაწილი, აღმოსავლეთი ევროპა, სკანდინავია, დიდი ბრიტანეთი და აშშ-ს აღმოსავლეთი გადაიარა. რადიოაქტიური ნალექის 60% ბელორუსიის ტერიტორიაზე დაილექა. დაბინძურებული ზონიდან ევაკუირებული იყო დაახლოებით, 200 000 ადამიანი.