"ოსკარის" ნომინანტი აშშ-ში არ შეუშვეს
"ოსკარის" ნომინანტი პასპორტთან დაკავშირებული გაუგებრობის გამო ამერიკის შეერთებულ შტატებში არ შეუშვეს. ინფორმაციას ამის შესახებ "ბი-ბი-სი" ავრცელებს. 21 წლის სირიელი ოპერატორი ჰალედ ჰატიბი სტამბოლი-ლოს ანჯელესის რეისზე არ დაუშვეს, მიუხედავად იმისა, რომ მას ამერიკის ვიზა ჰქონდა. თურქეთის ხელისუფლებამ მისი დოკუმენტები საეჭვოდ ჩათვალა.
"ბი-ბი-სი"-ს ცნობით, თურქეთის მესაზღვრეებმა იეჭვეს, რომ სირიელი ოპერატორი ყალბი დოკუმენტებით მგზავრობდა.
6 გზა ალეპოში მყოფი მოსახლეობის დასახმარებლად
უფრო ადრე "ასოშიეითიდ პრესი" იუწყებოდა, რომ აშშ-ის უსაფრთხოების სამსახურმა ჰალედ ჰატიბს ქვეყნაში შეშვებაზე უარი უკანასკნელ წამს განუცხადა, იქიდან გამომდინარე, რომ მასზე გარკვეული "ნეგატიური ინფორმაცია" მიიღო. ჰალედ ჰატიბი სირიაში მოქმედი არასახელისუფლებო ჰუმანიტარული ორგანიზაციის "თეთრი ჩაფხუტების" შესახებ ფილმის გადაღებაში მონაწილეობდა. ის "ოსკარის" დაჯილდოების ცერემონიაზე საუკეთესო მოკლემეტრაჟიანი ფილმების ნომინაციაზეა წარდგენილი.