თვითმხილველები დიდუბეში მომხდარი უბედური შემთხვევის დეტალებზე საუბრობენ
თვითმხილველები დიდუბეში, სოხუმის ქუჩაზე მომხდარი უბედური შემთხვევის დეტალებზე საუბრობენ. მათი თქმით, ნგრევისა და ყვირილის ხმა გაიგეს და ადგილზე მისულებს ნანგრევებში მოყოლილი მუშები დახვდნენ.
სახლის დემონტაჟის შედეგად 32 წლის მამაკაცი გარდაიცვალა. ის წალენჯიხის რაიონიდან არის. ნგრევის შედეგად სამი ადამიანი დაშავდა, რომლებიც საავადმყოფოებში არიან გადაყვანილნი.
ადგილზე ამჟამად კრიმინალური პოლიცია მუშაობს.
როგორც შინაგან საქმეთა სამინისტროში განაცხადეს, გამოძიება სისხლის სამართლის კოდექსის 240-ე მუხლის მეორე ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა ან სხვა მძიმე შედეგი გამოიწვია