რატომ არ უნდა გარეცხოთ გაყინული ქათამი მომზადების წინ?
გაერთიანებული სამეფოს სურსათის უვნებლობის სამსახური მოსახლეობას ურჩევს არ გარეცხონ გაყინული ქათამი მომზადების წინ თუ სურთ, რომ ქვეყანაში გავრცელებულ საკვებით მოწამვლის ერთ-ერთ საშიშ სახეობას თავი აარიდონ, რომელსაც ჯანმრთელობის სერიოზული პრობლემების პარალელურად ფატალური შედეგის გამოწვევაც შეუძლია.
მიუხედავად ამისა, გამოკითხული ბრიტანელების 2/5-მა აღნიშნა, რომ ქათამს მომზადების წინ რეცხავს. საქმე ისაა, რომ გამდინარე წყალი ნიჟარაში ბაქტერიების გავრცელებას უწყობს ხელს, რომლის მოშორებაც შემდგომში გაცილებით მეტ სირთულესთან არის დაკავშირებული.
ქათმის გარეცხვა მხოლოდ იმ შემთხვევაში არის რეკომენდებული თუ მის შეწვას კანიანად ვგეგმავთ.
მომზადების სხვა დანარჩენი გზების პირობებში, ბაქტერიებთან ბრძოლის უკეთესი და უფრო ქმედითი საშუალებებიც არსებობს.
ქათმის მწვადის მომზადების შემთხვევაში ბაქტერიებს ძმრის მარინადი დაამარცხებს, თუმცა ამ შემთხვევაში ლიმნის მჟავაც კარგი ანტისეპტიკია.
გეგმავთ მოხარშოთ ან მოთუშოთ ქათამი? - ასეთ შემთხვევაში უბრალოდ კანი მოაცალეთ და საკუთარ თავს ზედმეტი ქოლესტერინისგანაც დაიცავთ.
ქათმის ბულიონის მომზადების შემთხვევაში, პირველი ნახარში არ გამოგადგებათ ამიტომ, შეგიძლიათ თამამად გადააქციოთ, მას თან ანტიბიოტიკები და არასასურველი ბაქტერიებიც გაჰყვება. მათი უმეტესობა 50 გრადუსი ტემპერატურის პირობებში იხოცება. ბულიონში რამდენიმე წვეთი ზეთის დამატებაც შეიძლება. იდეალური ტემპერატურა რომ ქათამი გემრიელი გამოვიდეს და ბაქტერიებიც დაიხოცონ-75 გრადუსია. ეს როგორც ხარშვას ასევე წვის პროცესსაც შეეხება.