ირლანდიამ წიაღისეულ საწვავზე უარი თქვა | Allnews.Ge

ირლანდიამ წიაღისეულ საწვავზე უარი თქვა

ირლანდია გეგმავს, გახდეს პირველი ქვეყანა, რომელიც წიაღისეულ საწვავზე უარს იტყვის. აღნიშნულ საკითხთან დაკავშირებით, ხმის მიცემის პროცესიც გაიმართა.

პარლამენტმა ისტორიული კანონმდებლობა მიიღო, რომლის მიხედვითაც, ირლანდია ნახშირის, ნავთობისა და გაზის მოპოვებაში ინვესტირებას აღარ მოახდენს. ინიციატივა, რომელიც დეპუტატმა ტომას პრინგლიმ წარადგინა, ძალაში სავარაუდოდ, მომავალი რამდენიმე თვის განმავლობაში შევა, მას შემდეგ რაც მას ფინანსური კომიტეტი გადახედავს.

"ჩვენი ნაბიჯი არის მკაფიო გზავნილი იმ გლობალური კორპორაციების მიმართ, რომლებიც კლიმატური მეცნიერებებით მანიპულირებენ, კლიმატურ ცვლილებებს უგულებელყოფენ და სადავო ლობისტურ პრაქტკას მიმართავეენ" - განაცხადა ტომას პრინგლიმ.

პორტუგალიამ სასარგებლო წიაღისეულის გარეშე 4 დღე გაატარა

მისი განმარტებით, ირლანდიას არ შეუძლია მსგავსი კორპორაციების ქმედებების მიღება მაშინ, როდესაც განვითარებადი ქვეყნების მოსახლეობა კლიმატური ცვლილებების შედეგებით იტანჯება, განიცდის შიმშილს, მასობრივ ემიგრაციას და შედეგად სამოქალაქო არეულობებს.

კანონის ძალაში შესვლის შემდეგ, ირლანდიის სტრატეგიული საინვესტიციო ფონდი (Ireland Strategic Investment Fund) იძულებული იქნება გაყიდოს მისი ინვესტიცია წიაღისეული საწვავის ინდუსტრიაში, თანაც ეს პროცესი 5 წლის ვადაში უნდა დაასრულოს.

2015 წელს, ნორვეგიის სუვერენულმა საპენსიო ფონდმა (sovereign pension fund) უარი თქვა რამდენიმე წიაღისეული საწვავის კომპანიაზე, თუმცა არა ყველაზე.

myquiz