მსოფლიო სულ მალე პირველ მფრინავ მანქანას იხილავს
მსოფლიოში ერთ-ერთი უმსხვილესი კოსმოსური კომპანია მფრინავი მანქანის პროტოტიპის შემოწმებას მიმდინარე წლის ბოლოსთვის გეგმავს. ანალიტიკოსები იმედოვნებენ, რომ აღნიშნული ექსპერიმენტი მნიშვნელოვანი წინგადადგმული ნაბიჯი იქნება გადატვირთული გზაების განსამუხტად.
მფრინავი მანქანის მცირე პროტოტიპის გამოცდის შესახებ ინფორმაცია Airbus-ის აღმასრულებელმა დირექტორმა, ტომ ენდერსმა, გერმანიაში ტექნოლოგიურ კონფერენციაზე დაადასტურა.
გასულ წელს Airbus-მა Urban Air Mobility-ის სამმართველო შექმნა, რომელსაც უნდა გაეანალიზებინა ისეთი იდეები, როგორიც საჰაერო ტრანსპორტის ან შვეულმფრენის ტიპის ტრანსპორტის არსებობაა, რომელსაც რამდენიმე მგზავრის გადაყვანა შეუძლია.
კომპანია ახალი საჰაერო ტრანსპორტის ვერტიკალურ აფრენისა და დაშვების ტექნოლოგიაზე მუშაობს, რაც გადატვირთულ უბნებში მგზავრების აყვანის საშუალებას მისცემს.
ინჟინრები ვარაუდობენ, რომ მფრინავი მანქანები წარმოებაში 2021 წლიდან ჩაეშვება.
პროექტში, რომელიც ათწლეულების განმავლობაში სამეცნიერო ფანტასტიკის საფუძველი ხდებოდა, წამყვანმა კომპანიებმა ინვესტირება უკვე მოახდინეს.
"ასი წლის წინ გადატვირთული გზების განსამუხტად მიწის ქვეშ ჩავედით, ახლა გვაქვს ტექნოლოგიური მზაობა იმისთვის, რომ მიწის ზემოთ ავიდეთ"- განაცხადა ენდერსმა.