"სამსუნგმა" Galaxy Note 7-ის გაყიდვები შეაჩერა
სამხრეთკორეული კომპანია "სამსუნგი" დროებით აჩერებს Galaxy Note 7-ის გაყიდვებს.
"ბიბისის" ინფორმაციით, კომპანიამ ეს გადაწყვეტილება მას შემდეგ მიიღო, რაც გაირკვა, რომ შეცვლილ ბატარეებს კვლავ ხარვეზი აქვს.
თავის მხრივ, Galaxy Note 7-ის გაყიდვები შეაჩერა ამერიკულმა მსხვილმა რითეილერმა T-Mobile-მა მას შემდეგ, რაც თვითმფრინავის ბორტზე ერთ-ერთ მგზავრის სმარტფონი აალდა.
Samsung-ის სარეცხი მანქანების აფეთქების რამდენიმე შემთხვევა დაფიქსირდა
გავრცელებული ინფორმაციის შემდეგ, დღეს დილით აზიის ბირჟაზე "სამსუნგის" აქციები 1,5%-ით შემცირდა.
სმარტფონ Galaxy Note 7-ის ბატარეასთან დაკავშირებული ხარვეზის შესახებ ცნობილი სექტემბერში გახდა. 10 სექტემბერს აშშ-ის მთავრობასთან არსებული, სამომხმარებლო საქონლის უსაფთხოების კომისიამ მოუწოდა მომხმარებლებს, აღნიშნული სმარტფონების გამოყენებაზე უარი თქვან, რადგან მოწყობილობა აღჭურვილია თვითაალებადი ბატარეით.
Samsung Galaxy Note 7-ის ახალი ვერსია თვითმფრინავში აალდა
11 სექტემბერს "სამსუნგმა" მომხმარებლებს Galaxy Note 7-ის ჩაბარებისკენ მოუწოდა.
თავის მხრივ, საქართველოს სამოქალაქო ავიაციის სააგენტომ Samsung Galaxy Note 7-ის მფლობელები გააფრთხილა, ბორტზე ცეცხლის გაჩენის პრევენციის მიზნით, ფრენის დროს ტელეფონები გამორთონ.
BPN.GE