უახლოეს მომავალში სურათის გადაღება თვალის ჩაკვრით იქნება შესაძლებელი
მომავალში, ყველა ჩვენგანს შეეძლება კონტაქტური ლინზების ტარება, რომელთა დახმარებითაც, თვალის მარტივი მოძრაობით, სურათების გადაღებას შევძლებთ.
კომპანია "სამსუნგმა" კონტაქტური ლინზები დააპატენტა, რომლებზეც კამერა და სენსორებია დამონტაჟებული და რომელთა მართვა, თვალის ჩაკვრითაა შესაძლებელი.
რაც შეეხება გადაღებულ კადრებს, ლინზა მათ პროეცირებას თვალის ბადურაზე შეძლებს. მოწყობილობაში ჩამონტაჟებული ანტენები კი გადაღებულ სურათებს გადასამუშავებლად სმარტფონში გადააგზავნიან.
SamMobile-ის ბლოგის თანახმად, კომპანიამ "ჭკვიანი" კონტაქტური ლინზების წარმოება ე.წ. დამატებითი რეალობის შესაქმნელად დაიწყო.
მომზადებულია sciencealert.com-ის მიხედვით